וימאס באהל יוסף ובשבט אפרים לא בחר:

ויבן כמו רמים מקדשו כארץ יסדה לעולם:

כי בחר יהוה בציון אוה למושב לו:

זאת מנוחתי עדי עד פה אשב כי אותיה:

כי אם אל המקום אשר יבחר יהוה אלהיכם מכל שבטיכם לשום את שמו שם לשכנו תדרשו ובאת שמה:

ואבחר בירושלם להיות שמי שם ואבחר בדויד להיות על עמי ישראל:

ומה יענה מלאכי גוי כי יהוה יסד ציון ובה יחסו עניי עמו:

והיה כל אשר יקרא בשם יהוה ימלט כי בהר ציון ובירושלם תהיה פליטה כאשר אמר יהוה ובשרידים אשר יהוה קרא: