השיבה לי ששון ישעך ורוח נדיבה תסמכני:

לשום לאבלי ציון לתת להם פאר תחת אפר שמן ששון תחת אבל מעטה תהלה תחת רוח כהה וקרא להם אילי הצדק מטע יהוה להתפאר:

כי אם שישו וגילו עדי עד אשר אני בורא כי הנני בורא את ירושלם גילה ועמה משוש:

כאיש אשר אמו תנחמנו כן אנכי אנחמכם ובירושלם תנחמו:

וראיתם ושש לבכם ועצמותיכם כדשא תפרחנה ונודעה יד יהוה את עבדיו וזעם את איביו:

לדוד אליך יהוה נפשי אשא:

בטחו בו בכל עת עם שפכו לפניו לבבכם אלהים מחסה לנו סלה:

השמיעני בבקר חסדך כי בך בטחתי הודיעני דרך זו אלך כי אליך נשאתי נפשי: