פנה אלי וחנני כי יחיד ועני אני:

ענני יהוה כי טוב חסדך כרב רחמיך פנה אלי:

שובה יהוה עד מתי והנחם על עבדיך:

פנה אלי וחנני כמשפט לאהבי שמך:

יהוה עזי ומגני בו בטח לבי ונעזרתי ויעלז לבי ומשירי אהודנו:

יהוה עז למו ומעוז ישועות משיחו הוא:

אשרי אדם עוז לו בך מסלות בלבבם:

ביום קראתי ותענני תרהבני בנפשי עז:

נתן ליעף כח ולאין אונים עצמה ירבה:

וקוי יהוה יחליפו כח יעלו אבר כנשרים ירוצו ולא ייגעו ילכו ולא ייעפו:

אך ביהוה לי אמר צדקות ועז עדיו יבוא ויבשו כל הנחרים בו:

וגברתים ביהוה ובשמו יתהלכו נאם יהוה:

לתת לכם לפי עשר כבודו להתחזק בגבורה על ידי רוחו לאדם הפנימי:

סוף דבר אחי חזקו באדנינו ובעז גבורתו:

כל זאת אוכל בעזרת המשיח הנותן כח בקרבי:

להתחזק בכל כח כגבורת כבודו לכל סבלנות וארך רוח עם שמחה:

ותאמר מרים הנני שפחת יהוה יהי לי כדברך ויצא מאתה המלאך: