משכיל לאסף למה אלהים זנחת לנצח יעשן אפך בצאן מרעיתך:

זכר עדתך קנית קדם גאלת שבט נחלתך הר ציון זה שכנת בו:

אל תתן לחית נפש תורך חית ענייך אל תשכח לנצח:

ועתה אם שמוע תשמעו בקלי ושמרתם את בריתי והייתם לי סגלה מכל העמים כי לי כל הארץ:

ואתם תהיו לי ממלכת כהנים וגוי קדוש אלה הדברים אשר תדבר אל בני ישראל:

ויקהלו על משה ועל אהרן ויאמרו אלהם רב לכם כי כל העדה כלם קדשים ובתוכם יהוה ומדוע תתנשאו על קהל יהוה:

גם לא כמתעמרים בנחלת יהוה כי אם בהיותכם מופת לצאן:

וענית ואמרת לפני יהוה אלהיך ארמי אבד אבי וירד מצרימה ויגר שם במתי מעט ויהי שם לגוי גדול עצום ורב:

ויבאנו אל המקום הזה ויתן לנו את הארץ הזאת ארץ זבת חלב ודבש:

ועתה הנה הבאתי את ראשית פרי האדמה אשר נתתה לי יהוה והנחתו לפני יהוה אלהיך והשתחוית לפני יהוה אלהיך:

בהנחל עליון גוים בהפרידו בני אדם יצב גבלת עמים למספר בני ישראל:

ימצאהו בארץ מדבר ובתהו ילל ישמן יסבבנהו יבוננהו יצרנהו כאישון עינו:

יהוה בדד ינחנו ואין עמו אל נכר:

חמאת בקר וחלב צאן עם חלב כרים ואילים בני בשן ועתודים עם חלב כליות חטה ודם ענב תשתה חמר:

מקים מעפר דל מאשפת ירים אביון להושיב עם נדיבים וכסא כבוד ינחלם כי ליהוה מצקי ארץ וישת עליהם תבל:

הנתן מטר על פני ארץ ושלח מים על פני חוצות:

לשום שפלים למרום וקדרים שגבו ישע:

עורים ראים ופסחים מתהלכים מצרעים מטהרים וחרשים שומעין ומתים קמים ועניים מתבשרי ישועה הם:

רעבים מלא טוב ועשירים שלח ריקם: