כי כסלי מלאו נקלה ואין מתם בבשרי:

יהוה יסעדנו על ערש דוי כל משכבו הפכת בחליו:

כרחם אב על בנים רחם יהוה על יראיו:

אנוש כחציר ימיו כציץ השדה כן יציץ:

וחסד יהוה מעולם ועד עולם על יראיו וצדקתו לבני בנים:

יהוה אלהי שועתי אליך ותרפאני:

ויתפלל אברהם אל האלהים וירפא אלהים את אבימלך ואת אשתו ואמהתיו וילדו:

ויאמר אם שמוע תשמע לקול יהוה אלהיך והישר בעיניו תעשה והאזנת למצותיו ושמרת כל חקיו כל המחלה אשר שמתי במצרים לא אשים עליך כי אני יהוה רפאך:

ויצעק משה אל יהוה לאמר אל נא רפא נא לה:

ראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מציל:

כי הוא יכאיב ויחבש ימחץ וידו תרפינה:

רפאני יהוה וארפא הושיעני ואושעה כי תהלתי אתה:

לכו ונשובה אל יהוה כי הוא טרף וירפאנו יך ויחבשנו:

ויצא שמעו בכל ארץ סוריא ויביאו אליו את כל החולים המענים בכל חלים ומכאובים ואחוזי שדים ומכי ירח ונכי אברים וירפאם:

כי החרשתי בלו עצמי בשאגתי כל היום:

אין מתם בבשרי מפני זעמך אין שלום בעצמי מפני חטאתי:

תשמיעני ששון ושמחה תגלנה עצמות דכית:

חנני חנני אתם רעי כי יד אלוה נגעה בי:

והוכח במכאוב על משכבו וריב עצמיו אתן:

יכל בשרו מראי ושפי עצמותיו לא ראו: