רומה על שמים אלהים על כל הארץ כבודך:

רומה יהוה בעזך נשירה ונזמרה גבורתך:

כי גדול מעל שמים חסדך ועד שחקים אמתך:

רומה על שמים אלהים ועל כל הארץ כבודך:

ויאמר דויד המלך לכל הקהל שלמה בני אחד בחר בו אלהים נער ורך והמלאכה גדולה כי לא לאדם הבירה כי ליהוה אלהים:

עיני גבהות אדם שפל ושח רום אנשים ונשגב יהוה לבדו ביום ההוא:

ושח גבהות האדם ושפל רום אנשים ונשגב יהוה לבדו ביום ההוא:

ואמרתם ביום ההוא הודו ליהוה קראו בשמו הודיעו בעמים עלילתיו הזכירו כי נשגב שמו:

ועתה יהוה אלהינו הושיענו מידו וידעו כל ממלכות הארץ כי אתה יהוה לבדך:

לכן כה תתפללו אבינו שבשמים יתקדש שמך:

תבא מלכותך יעשה רצונך כמו בשמים כן בארץ:

למנצח על הגתית מזמור לדוד יהוה אדנינו מה אדיר שמך בכל הארץ אשר תנה הודך על השמים:

רם על כל גוים יהוה על השמים כבודו:

המשפילי לראות בשמים ובארץ:

וברוך שם כבודו לעולם וימלא כבודו את כל הארץ אמן ואמן:

יהללו את שם יהוה כי נשגב שמו לבדו הודו על ארץ ושמים:

ואולם חי אני וימלא כבוד יהוה את כל הארץ:

וקרא זה אל זה ואמר קדוש קדוש קדוש יהוה צבאות מלא כל הארץ כבודו:

כי תמלא הארץ לדעת את כבוד יהוה כמים יכסו על ים:

אלוה מתימן יבוא וקדוש מהר פארן סלה כסה שמים הודו ותהלתו מלאה הארץ: