בצר לי אקרא יהוה ואל אלהי אשוע ישמע מהיכלו קולי ושועתי לפניו תבוא באזניו:

עלה עשן באפו ואש מפיו תאכל גחלים בערו ממנו:

וירכב על כרוב ויעף וידא על כנפי רוח:

מנגה נגדו עביו עברו ברד וגחלי אש:

וישלח חציו ויפיצם וברקים רב ויהמם:

ישלח ממרום יקחני ימשני ממים רבים:

יקדמוני ביום אידי ויהי יהוה למשען לי:

יגמלני יהוה כצדקי כבר ידי ישיב לי:

כי כל משפטיו לנגדי וחקתיו לא אסיר מני:

וישב יהוה לי כצדקי כבר ידי לנגד עיניו:

עם נבר תתברר ועם עקש תתפתל:

כי אתה תאיר נרי יהוה אלהי יגיה חשכי:

האל תמים דרכו אמרת יהוה צרופה מגן הוא לכל החסים בו:

האל המאזרני חיל ויתן תמים דרכי:

מלמד ידי למלחמה ונחתה קשת נחושה זרועתי:

תרחיב צעדי תחתי ולא מעדו קרסלי:

אמחצם ולא יכלו קום יפלו תחת רגלי:

ואיבי נתתה לי ערף ומשנאי אצמיתם:

ואשחקם כעפר על פני רוח כטיט חוצות אריקם:

לשמע אזן ישמעו לי בני נכר יכחשו לי:

חי יהוה וברוך צורי וירום אלוהי ישעי:

מפלטי מאיבי אף מן קמי תרוממני מאיש חמס תצילני:

מגדל ישועות מלכו ועשה חסד למשיחו לדוד ולזרעו עד עולם:

יהוה הט שמיך ותרד גע בהרים ויעשנו:

שלח ידיך ממרום פצני והצילני ממים רבים מיד בני נכר:

והנה רעש גדול היה כי מלאך יהוה ירד מן השמים ויגש ויגל את האבן מן הפתח וישב עליה:

ומפחדו נבהלו השמרים ויהיו כמתים:

איננו פה כי קם כאשר אמר באנה ראינה את המקום אשר שכב שם האדון:

ויהי בשובו אל דעתו ויאמר פטרוס עתה זה ידעתי באמת כי האלהים שלח את מלאכו ויפלטני מיד הורדוס ומכל מזמת עם היהודים:

למנצח על יונת אלם רחקים לדוד מכתם באחז אתו פלשתים בגת חנני אלהים כי שאפני אנוש כל היום לחם ילחצני:

שאפו שוררי כל היום כי רבים לחמים לי מרום:

ישב עולם לפני אלהים חסד ואמת מן ינצרהו:

הן עם כלביא יקום וכארי יתנשא לא ישכב עד יאכל טרף ודם חללים ישתה:

אם לא אמרו מתי אהלי מי יתן מבשרו לא נשבע:

שנאי טוב ואהבי רעה גזלי עורם מעליהם ושארם מעל עצמותם:

ואשר אכלו שאר עמי ועורם מעליהם הפשיטו ואת עצמתיהם פצחו ופרשו כאשר בסיר וכבשר בתוך קלחת:

אתה יהוה לא תכלא רחמיך ממני חסדך ואמתך תמיד יצרוני:

שלח אורך ואמתך המה ינחוני יביאוני אל הר קדשך ואל משכנותיך:

כי התורה נתנה ביד משה והחסד והאמת באו על ידי ישוע המשיח: