ויתהלכו מגוי אל גוי מממלכה אל עם אחר:

לא הניח אדם לעשקם ויוכח עליהם מלכים:

יהוה ישמר צאתך ובואך מעתה ועד עולם:

ויכתב משה את מוצאיהם למסעיהם על פי יהוה ואלה מסעיהם למוצאיהם:

ומצרים מקברים את אשר הכה יהוה בהם כל בכור ובאלהיהם עשה יהוה שפטים:

ויסעו מסכת ויחנו באתם אשר בקצה המדבר:

ויסעו מפני החירת ויעברו בתוך הים המדברה וילכו דרך שלשת ימים במדבר אתם ויחנו במרה:

ויסעו מאילם ויחנו על ים סוף:

ויסעו ממדבר סין ויחנו בדפקה:

ויסעו מאלוש ויחנו ברפידם ולא היה שם מים לעם לשתות:

ויסעו ממדבר סיני ויחנו בקברת התאוה:

ויסעו מחצרת ויחנו ברתמה:

ויסעו מרמן פרץ ויחנו בלבנה:

ויסעו מרסה ויחנו בקהלתה:

ויסעו מהר שפר ויחנו בחרדה:

ויסעו ממקהלת ויחנו בתחת:

ויסעו מתרח ויחנו במתקה:

ויסעו מחשמנה ויחנו במסרות:

ויסעו מבני יעקן ויחנו בחר הגדגד:

ויסעו מיטבתה ויחנו בעברנה:

ויסעו מעציון גבר ויחנו במדבר צן הוא קדש:

ויעל אהרן הכהן אל הר ההר על פי יהוה וימת שם בשנת הארבעים לצאת בני ישראל מארץ מצרים בחדש החמישי באחד לחדש:

וישמע הכנעני מלך ערד והוא ישב בנגב בארץ כנען בבא בני ישראל:

ויסעו מצלמנה ויחנו בפונן:

ויסעו מאבת ויחנו בעיי העברים בגבול מואב:

ויסעו מדיבן גד ויחנו בעלמן דבלתימה:

ויסעו מהרי העברים ויחנו בערבת מואב על ירדן ירחו:

וידבר יהוה אל משה בערבת מואב על ירדן ירחו לאמר:

והורשתם את כל ישבי הארץ מפניכם ואבדתם את כל משכיתם ואת כל צלמי מסכתם תאבדו ואת כל במתם תשמידו:

והתנחלתם את הארץ בגורל למשפחתיכם לרב תרבו את נחלתו ולמעט תמעיט את נחלתו אל אשר יצא לו שמה הגורל לו יהיה למטות אבתיכם תתנחלו:

והיה כאשר דמיתי לעשות להם אעשה לכם:

ודוד ברח וימלט ויבא אל שמואל הרמתה ויגד לו את כל אשר עשה לו שאול וילך הוא ושמואל וישבו בנוית:

וילך דוד משם וימלט אל מערת עדלם וישמעו אחיו וכל בית אביו וירדו אליו שמה:

וילך דוד משם מצפה מואב ויאמר אל מלך מואב יצא נא אבי ואמי אתכם עד אשר אדע מה יעשה לי אלהים:

ויאמר גד הנביא אל דוד לא תשב במצודה לך ובאת לך ארץ יהודה וילך דוד ויבא יער חרת:

ויאמר דוד אל לבו עתה אספה יום אחד ביד שאול אין לי טוב כי המלט אמלט אל ארץ פלשתים ונואש ממני שאול לבקשני עוד בכל גבול ישראל ונמלטתי מידו:

בכל צרתם לא צר ומלאך פניו הושיעם באהבתו ובחמלתו הוא גאלם וינטלם וינשאם כל ימי עולם:

במסעות רבות בסכנות נהרות בסכנות שדדים בסכנות מצד בני עמי בסכנות מצד הגוים סכנות בעיר סכנות במדבר סכנות בים סכנות בתוך אחי שקר:

באמונה שמע אברהם כאשר נקרא ללכת אל הארץ אשר יירשנה ויצא ולא ידע אנה יבוא:

כפי אמונה מתו כל אלה ולא השיגו את ההבטחות רק מרחוק ראו אותן ויבטחו וישמחו לקראתן ויודו כי גרים הם ותושבים בארץ:

אשר העולם לא היה כדי להם הם תעו במדבר ובהרים ובמערות ובנקיקי הארץ:

שמעה תפלתי יהוה ושועתי האזינה אל דמעתי אל תחרש כי גר אנכי עמך תושב ככל אבותי:

הזרעים בדמעה ברנה יקצרו:

הלוך ילך ובכה נשא משך הזרע בא יבוא ברנה נשא אלמתיו:

שוב ואמרת אל חזקיהו נגיד עמי כה אמר יהוה אלהי דוד אביך שמעתי את תפלתך ראיתי את דמעתך הנני רפא לך ביום השלישי תעלה בית יהוה:

מליצי רעי אל אלוה דלפה עיני:

כי השה אשר בתוך הכסא הוא ירעם ועל מבועי מים חיים ינהלם ומחה אליהם כל דמעה מעיניהם:

גלמי ראו עיניך ועל ספרך כלם יכתבו ימים יצרו ולא אחד בהם:

אז נדברו יראי יהוה איש את רעהו ויקשב יהוה וישמע ויכתב ספר זכרון לפניו ליראי יהוה ולחשבי שמו:

ואתם גם שערות ראשכם נמנות כלן:

וארא את המתים הקטנים עם הגדלים עמדים לפני הכסא וספרים נפתחים ויפתח ספר אחר אשר הוא ספר החיים וישפטו המתים על פי הכתוב בספרים כמעשיהם: