באלהים אהלל דבר ביהוה אהלל דבר:

באלהים בטחתי לא אירא מה יעשה אדם לי:

אמרות יהוה אמרות טהרות כסף צרוף בעליל לארץ מזקק שבעתים:

תורת יהוה תמימה משיבת נפש עדות יהוה נאמנה מחכימת פתי:

פקודי יהוה ישרים משמחי לב מצות יהוה ברה מאירת עינים:

לעולם יהוה דברך נצב בשמים:

לדר ודר אמונתך כוננת ארץ ותעמד:

ראש דברך אמת ולעולם כל משפט צדקך:

אשתחוה אל היכל קדשך ואודה את שמך על חסדך ועל אמתך כי הגדלת על כל שמך אמרתך:

הן קרא שם אלהים לאלה אשר היה דבר האלהים אליהם והכתוב לא יופר:

לדוד יהוה אורי וישעי ממי אירא יהוה מעוז חיי ממי אפחד:

למנצח לבני קרח על עלמות שיר אלהים לנו מחסה ועז עזרה בצרות נמצא מאד:

על כן לא נירא בהמיר ארץ ובמוט הרים בלב ימים:

יהוה לי לא אירא מה יעשה לי אדם:

ומצרים אדם ולא אל וסוסיהם בשר ולא רוח ויהוה יטה ידו וכשל עוזר ונפל עזר ויחדו כלם יכליון:

אל תירא כי עמך אני אל תשתע כי אני אלהיך אמצתיך אף עזרתיך אף תמכתיך בימין צדקי:

ואני אמר לכם ידידי אל תיראו מן הממיתים את הגוף ואחרי זאת אין לאל ידם לעשות עוד דבר:

אבל אורה אתכם את אשר תיראו יראו את אשר יש לו שלטן אחרי המיתו להשליך אל גיהנם הן אני אמר לכם אותו תיראון:

ועתה מה נאמר על זאת אם האלהים לנו מי יריב אתנו:

מי יענה בבחירי אלהים הן אלהים הוא המצדיק:

מי יפרידנו מאהבת המשיח הצרה או מצוקה או משטמה או רעב אם עריה או סכנה או חרב:

אבל בכל אלה גברנו מאד על ידי האהב אתנו:

לא הרוח ולא העמק ולא כל בריה אחרת יוכלו להפרידנו מאהבת האלהים אשר היא במשיח ישוע אדנינו:

על כן נבטח ונאמר יהוה לי בעזרי לא אירא מה יעשה לי אדם: