למנצח מזמור לדוד עד אנה יהוה תשכחני נצח עד אנה תסתיר את פניך ממני:

עד אנה אשית עצות בנפשי יגון בלבבי יומם עד אנה ירום איבי עלי:

כי החרשתי בלו עצמי בשאגתי כל היום:

נעויתי שחתי עד מאד כל היום קדר הלכתי:

כי אתה אלהי מעוזי למה זנחתני למה קדר אתהלך בלחץ אויב:

כי אפר כלחם אכלתי ושקוי בבכי מסכתי:

מפני זעמך וקצפך כי נשאתני ותשליכני:

כסוס עגור כן אצפצף אהגה כיונה דלו עיני למרום אדני עשקה לי ערבני: