כלה בחמה כלה ואינמו וידעו כי אלהים משל ביעקב לאפסי הארץ סלה:

יהי שלחנם לפניהם לפח ולשלומים למוקש:

שפך עליהם זעמך וחרון אפך ישיגם:

כי אתה אשר הכית רדפו ואל מכאוב חלליך יספרו:

ימחו מספר חיים ועם צדיקים אל יכתבו:

הפקד עליו רשע ושטן יעמד על ימינו:

יהיו ימיו מעטים פקדתו יקח אחר:

ונוע ינועו בניו ושאלו ודרשו מחרבותיהם:

אל יהי לו משך חסד ואל יהי חונן ליתומיו:

יזכר עון אבתיו אל יהוה וחטאת אמו אל תמח:

יען אשר לא זכר עשות חסד וירדף איש עני ואביון ונכאה לבב למותת:

וילבש קללה כמדו ותבא כמים בקרבו וכשמן בעצמותיו:

זאת פעלת שטני מאת יהוה והדברים רע על נפשי:

ואחיתפל ראה כי לא נעשתה עצתו ויחבש את החמור ויקם וילך אל ביתו אל עירו ויצו אל ביתו ויחנק וימת ויקבר בקבר אביו:

ויקרא אבשלום לפני עבדי דוד ואבשלום רכב על הפרד ויבא הפרד תחת שובך האלה הגדולה ויחזק ראשו באלה ויתן בין השמים ובין הארץ והפרד אשר תחתיו עבר:

ויאמר יואב לא כן אחילה לפניך ויקח שלשה שבטים בכפו ויתקעם בלב אבשלום עודנו חי בלב האלה:

וישלך את הכסף אל ההיכל ויפן וילך ויחנק:

והנה הוא קנה לו שדה במחיר הרשעה ויפל על פניו ארצה ויבקע בתוך וישפכו כל מעיו:

כי כתוב בספר תהלים תהי טירתו נשמה ואל יהי בה ישב ופקדתו יקח אחר:

ואם בריאה יברא יהוה ופצתה האדמה את פיה ובלעה אתם ואת כל אשר להם וירדו חיים שאלה וידעתם כי נאצו האנשים האלה את יהוה:

ותפתח הארץ את פיה ותבלע אתם ואת בתיהם ואת כל האדם אשר לקרח ואת כל הרכוש:

וכל ישראל אשר סביבתיהם נסו לקלם כי אמרו פן תבלענו הארץ:

הן בן האדם הלוך ילך לו ככתוב עליו אבל אוי לאיש ההוא אשר על ידו ימסר בן האדם טוב לאיש ההוא אם לא נולד:

לקחת את גורל השרות הזה והשליחות אשר סר ממנה יהודה להלך אל מקומו:

ישובו רשעים לשאולה כל גוים שכחי אלהים: