יהוה לי לא אירא מה יעשה לי אדם:

יהוה לי בעזרי ואני אראה בשנאי:

דחה דחיתני לנפל ויהוה עזרני:

ורוח לבשה את עמשי ראש השלושים לך דויד ועמך בן ישי שלום שלום לך ושלום לעזרך כי עזרך אלהיך ויקבלם דויד ויתנם בראשי הגדוד:

אל תירא כי עמך אני אל תשתע כי אני אלהיך אמצתיך אף עזרתיך אף תמכתיך בימין צדקי:

הן עבדי אתמך בו בחירי רצתה נפשי נתתי רוחי עליו משפט לגוים יוציא:

ואדני יהוה יעזר לי על כן לא נכלמתי על כן שמתי פני כחלמיש ואדע כי לא אבוש:

הן אדני יהוה יעזר לי מי הוא ירשיעני הן כלם כבגד יבלו עש יאכלם:

ועתה מה נאמר על זאת אם האלהים לנו מי יריב אתנו:

על כן נבטח ונאמר יהוה לי בעזרי לא אירא מה יעשה לי אדם: