הנה יחבל און והרה עמל וילד שקר:

ישוב עמלו בראשו ועל קדקדו חמסו ירד:

ואתה אלהים תורדם לבאר שחת אנשי דמים ומרמה לא יחצו ימיהם ואני אבטח בך:

וירם אלהים חץ פתאום היו מכותם:

וייראו כל אדם ויגידו פעל אלהים ומעשהו השכילו:

יהוה הצילה נפשי משפת שקר מלשון רמיה:

חצי גבור שנונים עם גחלי רתמים:

ראש מסבי עמל שפתימו יכסומו:

איש לשון בל יכון בארץ איש חמס רע יצודנו למדחפת:

שפת אמת תכון לעד ועד ארגיעה לשון שקר:

עד שקרים לא ינקה ויפיח כזבים לא ימלט:

עד שקרים לא ינקה ויפיח כזבים יאבד:

אבל רכי הלב ואשר אינם מאמינים והמגאלים והמרצחים והזנים והמכשפים ועבדי האלילים וכל המכזבים חלקם יהיה באגם הבער באש וגפרית אשר הוא המות השני:

ראיתי רשע עריץ ומתערה כאזרח רענן:

ויעבר והנה איננו ואבקשהו ולא נמצא:

ינתק מאהלו מבטחו ותצעדהו למלך בלהות:

אם יעלה לשמים שיאו וראשו לעב יגיע:

כגללו לנצח יאבד ראיו יאמרו איו:

ויאמר אם כן אבי שאל אני מאתך כי תשלח אתו אל בית אבי:

כי יש לי חמשה אחים למען יעיד בהם פן יבאו גם הם אל מקום המעצבה הזה:

ורשעים מארץ יכרתו ובוגדים יסחו ממנה:

לולא האמנתי לראות בטוב יהוה בארץ חיים:

אתהלך לפני יהוה בארצות החיים:

אמרתי לא אראה יה יה בארץ החיים לא אביט אדם עוד עם יושבי חדל: