דרכיך יהוה הודיעני ארחותיך למדני:

הדריכני באמתך ולמדני כי אתה אלהי ישעי אותך קויתי כל היום:

הורני יהוה דרכך אהלך באמתך יחד לבבי ליראה שמך:

בכל לבי דרשתיך אל תשגני ממצותיך:

חסדך יהוה מלאה הארץ חקיך למדני:

השמיעני בבקר חסדך כי בך בטחתי הודיעני דרך זו אלך כי אליך נשאתי נפשי:

למדני לעשות רצונך כי אתה אלוהי רוחך טובה תנחני בארץ מישור:

בטח אל יהוה בכל לבך ואל בינתך אל תשען:

בכל דרכיך דעהו והוא יישר ארחתיך:

הורני יהוה דרכך ונחני בארח מישור למען שוררי:

ישוב הרע לשררי באמתך הצמיתם:

אלהי חסדו יקדמני אלהים יראני בשררי:

אפס כי נאץ נאצת את איבי יהוה בדבר הזה גם הבן הילוד לך מות ימות:

דרכיך יהוה הודיעני ארחותיך למדני:

הורני יהוה דרכך ונחני בארח מישור למען שוררי:

עיניך לנכח יביטו ועפעפיך יישרו נגדך:

הלא זה הוא אשר נבא עליו ישעיהו הנביא לאמר קול קורא במדבר פנו דרך יהוה ישרו מסלותיו:

ומעגל רגליכם פלסו למען לא תטה הצלעה מן הדרך כי אם תרפא: