הנה הגבר לא ישים אלהים מעוזו ויבטח ברב עשרו יעז בהותו:

אל תבטחו בעשק ובגזל אל תהבלו חיל כי ינוב אל תשיתו לב:

אם שמתי זהב כסלי ולכתם אמרתי מבטחי:

אם אשמח כי רב חילי וכי כביר מצאה ידי:

הון עשיר קרית עזו מחתת דלים רישם:

התעוף עיניך בו ואיננו כי עשה יעשה לו כנפים כנשר ועיף השמים:

ויבהלו התלמידים על דבריו ויסף ישוע ויען ויאמר להם בני מה קשה לבטחים על חילם לבוא אל מלכות האלהים:

את עשירי העולם הזה תצוה שלא ירום לבבם גם לא יבטחו בעשר הבוגד כי אם באלהים חיים המספיק לנו די והותר לשבע:

ויספר להם המן את כבוד עשרו ורב בניו ואת כל אשר גדלו המלך ואת אשר נשאו על השרים ועבדי המלך:

כה אמר יהוה אל יתהלל חכם בחכמתו ואל יתהלל הגבור בגבורתו אל יתהלל עשיר בעשרו:

בחכמתך ובתבונתך עשית לך חיל ותעש זהב וכסף באוצרותיך:

ברב חכמתך ברכלתך הרבית חילך ויגבה לבבך בחילך:

ויאמר אפרים אך עשרתי מצאתי און לי כל יגיעי לא ימצאו לי עון אשר חטא:

ואמר לנפשי נפשי יש לך עתודות הרבה לשנים רבות הנפשי אכלי שתי ושישי: