כי אתה אלהי מעוזי למה זנחתני למה קדר אתהלך בלחץ אויב:

למנצח על שושן עדות מכתם לדוד ללמד בהצותו את ארם נהרים ואת ארם צובה וישב יואב ויך את אדום בגיא מלח שנים עשר אלף אלהים זנחתנו פרצתנו אנפת תשובב לנו:

הלא אתה אלהים זנחתנו ולא תצא אלהים בצבאותינו:

משכיל לאסף למה אלהים זנחת לנצח יעשן אפך בצאן מרעיתך:

למה פרצת גדריה וארוה כל עברי דרך:

יכרסמנה חזיר מיער וזיז שדי ירענה:

למה יהוה תזנח נפשי תסתיר פניך ממני:

ואתה זנחת ותמאס התעברת עם משיחך:

פרצת כל גדרתיו שמת מבצריו מחתה:

הרימות ימין צריו השמחת כל אויביו:

השבת מטהרו וכסאו לארץ מגרתה:

הלא אלהים זנחתנו ולא תצא אלהים בצבאתינו:

הלוא ראית מה העם הזה דברו לאמר שתי המשפחות אשר בחר יהוה בהם וימאסם ואת עמי ינאצון מהיות עוד גוי לפניהם:

גם זרע יעקוב ודוד עבדי אמאס מקחת מזרעו משלים אל זרע אברהם ישחק ויעקב כי אשוב את שבותם ורחמתים:

כי לא יזנח לעולם אדני:

כי אם הוגה ורחם כרב חסדו:

ובכן אמר אני הכי זנח האלהים את עמו חלילה כי גם אנכי בן ישראל מזרע אברהם למטה בנימן:

יהוה את נביאיך הרגו ואת מזבחתיך הרסו ואותר אני לבדי ויבקשו את נפשי:

וכן גם בעת הזאת נותרה שארית על פי בחירת החסד: