קומה יהוה באפך הנשא בעברות צוררי ועורה אלי משפט צוית:

משד עניים מאנקת אביונים עתה אקום יאמר יהוה אשית בישע יפיח לו:

העירה והקיצה למשפטי אלהי ואדני לריבי:

בלי עון ירוצון ויכוננו עורה לקראתי וראה:

ואתה יהוה אלהים צבאות אלהי ישראל הקיצה לפקד כל הגוים אל תחן כל בגדי און סלה:

ויקץ כישן אדני כגבור מתרונן מיין:

עורי עורי לבשי עז זרוע יהוה עורי כימי קדם דרות עולמים הלוא את היא המחצבת רהב מחוללת תנין:

והוא ישן על הכסת באחרי האניה ויעירו אותו ויאמרו אליו רבי האינך דאג לנו כי נאבד:

אף זנחת ותכלימנו ולא תצא בצבאותינו:

משכיל לאסף למה אלהים זנחת לנצח יעשן אפך בצאן מרעיתך:

למה יהוה תזנח נפשי תסתיר פניך ממני: