כאשר כתוב בתורת משה את כל הרעה הזאת באה עלינו ולא חלינו את פני יהוה אלהינו לשוב מעוננו ולהשכיל באמתך:

אם שכחנו שם אלהינו ונפרש כפינו לאל זר:

ישובו רשעים לשאולה כל גוים שכחי אלהים:

השמר לך פן תשכח את יהוה אשר הוציאך מארץ מצרים מבית עבדים:

ורם לבבך ושכחת את יהוה אלהיך המוציאך מארץ מצרים מבית עבדים:

כי שכחת אלהי ישעך וצור מעזך לא זכרת על כן תטעי נטעי נעמנים וזמרת זר תזרענו:

התשכח בתולה עדיה כלה קשריה ועמי שכחוני ימים אין מספר:

לא כברית אשר כרתי את אבותם ביום החזיקי בידם להוציאם מארץ מצרים אשר המה הפרו את בריתי ואנכי בעלתי בם נאם יהוה:

כי כה אמר אדני יהוה ועשית אותך כאשר עשית אשר בזית אלה להפר ברית:

והעברתי אתכם תחת השבט והבאתי אתכם במסרת הברית: