קוה אל יהוה חזק ויאמץ לבך וקוה אל יהוה:

חזקו ידים רפות וברכים כשלות אמצו:

אמרו לנמהרי לב חזקו אל תיראו הנה אלהיכם נקם יבוא גמול אלהים הוא יבוא וישעכם:

ויאמר האדון שמעון שמעון הנה תבע אתכם השטן לזרותכם כחטים:

ואני התפללתי בעדך אשר לא תכלה אמונתך ואתה כאשר תשוב חזק את אחיך:

על כן חזקו ידים רפות וברכים כשלות:

ומעגל רגליכם פלסו למען לא תטה הצלעה מן הדרך כי אם תרפא:

אחי הנביאים אשר דברו בשם יהוה הם יהיו לכם למופת העני והתוחלת:

הנה מאשרים אנחנו את הסבלים את סבלנות איוב שמעתכם ואת אחרית האדון ראיתם כי רחום וחנון יהוה:

יהוה עז לעמו יתן יהוה יברך את עמו בשלום:

ביום קראתי ותענני תרהבני בנפשי עז:

להתחזק בכל כח כגבורת כבודו לכל סבלנות וארך רוח עם שמחה:

אשרי שאל יעקב בעזרו שברו על יהוה אלהיו:

וישעיהו אמר והיה שרש ישי אשר עמד לנס עמים אליו גוים יקוו:

ואלהי התקוה הוא ימלא אתכם כל שמחה ושלום באמונה למען תעדף תקותכם בגבורת רוח הקדש:

המאמינים על פיו באלהים אשר הקים אתו מעם המתים ויתן לו כבוד למען היות אמונתכם גם תקוה לאלהים: