רבים אמרים מי יראנו טוב נסה עלינו אור פניך יהוה:

יהוה ברצונך העמדתה להררי עז הסתרת פניך הייתי נבהל:

למנצח בנגינת מזמור שיר אלהים יחננו ויברכנו יאר פניו אתנו סלה:

אלהים השיבנו והאר פניך ונושעה:

אלהים צבאות השיבנו והאר פניך ונושעה:

יהוה אלהים צבאות השיבנו האר פניך ונושעה:

יאר יהוה פניו אליך ויחנך:

ישא יהוה פניו אליך וישם לך שלום:

ועתה שמע אלהינו אל תפלת עבדך ואל תחנוניו והאר פניך על מקדשך השמם למען אדני:

שובה יהוה חלצה נפשי הושיעני למען חסדך:

למנצח מזמור לדוד בבוא אליו נתן הנביא כאשר בא אל בת שבע חנני אלהים כחסדך כרב רחמיך מחה פשעי:

ויזכר להם בריתו וינחם כרב חסדו:

לאדני אלהינו הרחמים והסלחות כי מרדנו בו:

הטה אלהי אזנך ושמע פקחה עיניך וראה שממתינו והעיר אשר נקרא שמך עליה כי לא על צדקתינו אנחנו מפילים תחנונינו לפניך כי על רחמיך הרבים:

כי למשה אמר וחנתי את אשר אחן ורחמתי את אשר ארחם:

להודיע גם את עשר כבודו על כלי החנינה אשר יעדם לכבוד:

לתהלת כבוד חסדו אשר נתן אתנו בידידו:

אשר בו לנו הפדיום בדמו וסליחת הפשעים כרב חסדו:

אבל האלהים המלא רחמים ברב אהבתו אשר אהב אתנו:

ויעירנו אתו אף הושיבנו במרומים במשיח ישוע: