יגמר נא רע רשעים ותכונן צדיק ובחן לבות וכליות אלהים צדיק:

בחנת לבי פקדת לילה צרפתני בל תמצא זמתי בל יעבר פי:

כי בחנתנו אלהים צרפתנו כצרף כסף:

חקרני אל ודע לבבי בחנני ודע שרעפי:

וראה אם דרך עצב בי ונחני בדרך עולם:

כמה לי עונות וחטאות פשעי וחטאתי הדיעני:

הלא הוא יראה דרכי וכל צעדי יספור:

ישקלני במאזני צדק וידע אלוה תמתי:

ויהוה צבאות בחן צדיק ראה כליות ולב אראה נקמתך מהם כי אליך גליתי את ריבי:

והבאתי את השלשית באש וצרפתים כצרף את הכסף ובחנתים כבחן את הזהב הוא יקרא בשמי ואני אענה אתו אמרתי עמי הוא והוא יאמר יהוה אלהי: