לבנימן אמר ידיד יהוה ישכן לבטח עליו חפף עליו כל היום ובין כתיפיו שכן:

אין כאל ישרון רכב שמים בעזרך ובגאותו שחקים:

וישכן ישראל בטח בדד עין יעקב אל ארץ דגן ותירוש אף שמיו יערפו טל:

ושמע לי ישכן בטח ושאנן מפחד רעה:

יראת יהוה לחיים ושבע ילין בל יפקד רע:

חרדת אדם יתן מוקש ובוטח ביהוה ישגב:

וכרתי להם ברית שלום והשבתי חיה רעה מן הארץ וישבו במדבר לבטח וישנו ביערים:

ונתן עץ השדה את פריו והארץ תתן יבולה והיו על אדמתם לבטח וידעו כי אני יהוה בשברי את מטות עלם והצלתים מיד העבדים בהם:

לכו אלי כל העמלים והטעונים ואני אניח לכם:

קבלו עליכם את עלי ולמדו ממני כי ענו ושפל רוח אנכי ותמצאו מרגוע לנפשתיכם:

מה רב טובך אשר צפנת ליראיך פעלת לחסים בך נגד בני אדם:

ירוין מדשן ביתך ונחל עדניך תשקם:

כמו חלב ודשן תשבע נפשי ושפתי רננות יהלל פי:

שמחו את ירושלם וגילו בה כל אהביה שישו אתה משוש כל המתאבלים עליה:

כי כה אמר יהוה הנני נטה אליה כנהר שלום וכנחל שוטף כבוד גוים וינקתם על צד תנשאו ועל ברכים תשעשעו:

וראיתם ושש לבכם ועצמותיכם כדשא תפרחנה ונודעה יד יהוה את עבדיו וזעם את איביו:

ובאו ורננו במרום ציון ונהרו אל טוב יהוה על דגן ועל תירש ועל יצהר ועל בני צאן ובקר והיתה נפשם כגן רוה ולא יוסיפו לדאבה עוד:

ורויתי נפש הכהנים דשן ועמי את טובי ישבעו נאם יהוה:

יהוה אלהיך בקרבך גבור יושיע ישיש עליך בשמחה יחריש באהבתו יגיל עליך ברנה:

כי מה טובו ומה יפיו דגן בחורים ותירוש ינובב בתלות:

ואלהי הוא ימלא את כל צרככם כעשר כבודו במשיח ישוע:

כל היום חונן ומלוה וזרעו לברכה:

וזרע עבדיו ינחלוה ואהבי שמו ישכנו בה:

גבור בארץ יהיה זרעו דור ישרים יברך:

והקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך:

ויאמר אלהים אל אברהם ואתה את בריתי תשמר אתה וזרעך אחריך לדרתם:

מתהלך בתמו צדיק אשרי בניו אחריו:

לא ייגעו לריק ולא ילדו לבהלה כי זרע ברוכי יהוה המה וצאצאיהם אתם:

ונתתי להם לב אחד ודרך אחד ליראה אותי כל הימים לטוב להם ולבניהם אחריהם:

כי לכם ההבטחה ולבניכם ולכל הרחוקים לכל אשר קרא יהוה אלהינו:

וענוים יירשו ארץ והתענגו על רב שלום:

כי מברכיו יירשו ארץ ומקלליו יכרתו:

צדיקים יירשו ארץ וישכנו לעד עליה:

בן אדם ישבי החרבות האלה על אדמת ישראל אמרים לאמר אחד היה אברהם ויירש את הארץ ואנחנו רבים לנו נתנה הארץ למורשה:

עמדתם על חרבכם עשיתן תועבה ואיש את אשת רעהו טמאתם והארץ תירשו:

אשרי הענוים כי המה יירשו הארץ:

כי האיש החפץ חיים אהב ימים לראות טוב יצר לשונו מרע ושפתיו מדבר מרמה:

ואנחנו כפי הבטחתו מחכים לשמים חדשים ולארץ חדשה אשר צדק ילין בם: