עם חסיד תתחסד עם גבר תמים תתמם:

עם נבר תתברר ועם עקש תתפתל:

תן להם כפעלם וכרע מעלליהם כמעשה ידיהם תן להם השב גמולם להם:

ברוך יהוה כי שמע קול תחנוני:

מיהוה מצעדי גבר כוננו ודרכו יחפץ:

כי יפל לא יוטל כי יהוה סומך ידו:

כי בי חשק ואפלטהו אשגבהו כי ידע שמי:

ידעתי יהוה כי צדק משפטיך ואמונה עניתני:

יהי נא חסדך לנחמני כאמרתך לעבדך:

אם אלך בקרב צרה תחיני על אף איבי תשלח ידך ותושיעני ימינך:

ויתהלך חנוך את האלהים ואיננו כי לקח אתו אלהים:

ויהי אברם בן תשעים שנה ותשע שנים וירא יהוה אל אברם ויאמר אליו אני אל שדי התהלך לפני והיה תמים:

ויברך את יוסף ויאמר האלהים אשר התהלכו אבתי לפניו אברהם ויצחק האלהים הרעה אתי מעודי עד היום הזה:

המלאך הגאל אתי מכל רע יברך את הנערים ויקרא בהם שמי ושם אבתי אברהם ויצחק וידגו לרב בקרב הארץ:

כי תעבר במים אתך אני ובנהרות לא ישטפוך כי תלך במו אש לא תכוה ולהבה לא תבער בך:

והנה ידענו כי לאהבי אלהים הקרואים בעצתו הכל יעזר לטוב להם:

כי ישר דבר יהוה וכל מעשהו באמונה:

ישלח משמים ויושיעני חרף שאפי סלה ישלח אלהים חסדו ואמתו:

חסד ואמת נפגשו צדק ושלום נשקו:

צדק ומשפט מכון כסאך חסד ואמת יקדמו פניך:

זכר חסדו ואמונתו לבית ישראל ראו כל אפסי ארץ את ישועת אלהינו:

ויאמר ברוך יהוה אלהי אדני אברהם אשר לא עזב חסדו ואמתו מעם אדני אנכי בדרך נחני יהוה בית אחי אדני:

תמול בואך והיום אנועך עמנו ללכת ואני הולך על אשר אני הולך שוב והשב את אחיך עמך חסד ואמת:

יהוה אלהי אתה ארוממך אודה שמך כי עשית פלא עצות מרחוק אמונה אמן:

והדבר נהיה בשר וישכן בתוכנו ונחזה תפארתו כתפארת בן יחיד לאביו רב חסד ואמת:

כי התורה נתנה ביד משה והחסד והאמת באו על ידי ישוע המשיח:

הנה מאשרים אנחנו את הסבלים את סבלנות איוב שמעתכם ואת אחרית האדון ראיתם כי רחום וחנון יהוה:

נקי כפים ובר לבב אשר לא נשא לשוא נפשי ולא נשבע למרמה:

ישא ברכה מאת יהוה וצדקה מאלהי ישעו:

זבח תודה יכבדנני ושם דרך אראנו בישע אלהים:

וחסד יהוה מעולם ועד עולם על יראיו וצדקתו לבני בנים:

לשמרי בריתו ולזכרי פקדיו לעשותם:

כה אמר יהוה שמרו משפט ועשו צדקה כי קרובה ישועתי לבוא וצדקתי להגלות:

ואל יאמר בן הנכר הנלוה אל יהוה לאמר הבדל יבדילני יהוה מעל עמו ואל יאמר הסריס הן אני עץ יבש:

ונתתי להם בביתי ובחומתי יד ושם טוב מבנים ומבנות שם עולם אתן לו אשר לא יכרת:

מי חכם ויבן אלה נבון וידעם כי ישרים דרכי יהוה וצדקים ילכו בם ופשעים יכשלו בם:

בקשו את יהוה כל ענוי הארץ אשר משפטו פעלו בקשו צדק בקשו ענוה אולי תסתרו ביום אף יהוה:

כי אם בכל עם ועם הירא אותו ועשה צדק רצוי הוא לפניו:

כי לא שמעי התורה צדיקים לפני האלהים כי אם עשי התורה הם יצדקו:

כי כה אמר בהוכיח אתם הנה ימים באים נאם יהוה וכרתי את בית ישראל ואת בית יהודה ברית חדשה:

כי זאת הברית אשר אכרת את בית ישראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם:

כי אסלח לעונם ולחטאתם ולפשעיהם לא אזכר עוד:

רדפו את השלום עם כל אדם ואת הקדשה אשר בלעדיה לא יראה איש את האדון: