כי דכיתנו במקום תנים ותכס עלינו בצלמות:

יגאלהו חשך וצלמות תשכן עליו עננה יבעתהו כמרירי יום:

בטרם אלך ולא אשוב אל ארץ חשך וצלמות:

ארץ עפתה כמו אפל צלמות ולא סדרים ותפע כמו אפל:

כי יחדו בקר למו צלמות כי יכיר בלהות צלמות:

ולא אמרו איה יהוה המעלה אתנו מארץ מצרים המוליך אתנו במדבר בארץ ערבה ושוחה בארץ ציה וצלמות בארץ לא עבר בה איש ולא ישב אדם שם:

להאיר לישבי חשך וצלמות ולהכין את רגלינו אל דרך השלום:

לא אירא מרבבות עם אשר סביב שתו עלי:

לדוד יהוה אורי וישעי ממי אירא יהוה מעוז חיי ממי אפחד:

אם תחנה עלי מחנה לא יירא לבי אם תקום עלי מלחמה בזאת אני בוטח:

למנצח לבני קרח על עלמות שיר אלהים לנו מחסה ועז עזרה בצרות נמצא מאד:

יהמו יחמרו מימיו ירעשו הרים בגאותו סלה:

יהוה לי לא אירא מה יעשה לי אדם:

אם אלך בקרב צרה תחיני על אף איבי תשלח ידך ותושיעני ימינך:

אל תירא כי עמך אני אל תשתע כי אני אלהיך אמצתיך אף עזרתיך אף תמכתיך בימין צדקי:

איה עקצף המות איה שאול בצחונך:

אבל תודות לאלהים אשר נתן לנו הנצחון על ידי אדנינו ישוע המשיח:

שם פחדו פחד כי אלהים בדור צדיק:

יהוה צבאות עמנו משגב לנו אלהי יעקב סלה:

רעו עמים וחתו והאזינו כל מרחקי ארץ התאזרו וחתו התאזרו וחתו:

עצו עצה ותפר דברו דבר ולא יקום כי עמנו אל:

ועתה כה אמר יהוה בראך יעקב ויצרך ישראל אל תירא כי גאלתיך קראתי בשמך לי אתה:

כי תעבר במים אתך אני ובנהרות לא ישטפוך כי תלך במו אש לא תכוה ולהבה לא תבער בך:

כה אמר יהוה צבאות בימים ההמה אשר יחזיקו עשרה אנשים מכל לשנות הגוים והחזיקו בכנף איש יהודי לאמר נלכה עמכם כי שמענו אלהים עמכם:

הנה העלמה הרה וילדת בן וקראו שמו עמנואל אשר פרושו האל עמנו:

ולמדתם אתם לשמר את כל אשר צויתי אתכם והנה אנכי אתכם כל הימים עד קץ העולם אמן:

ודבר האדון היה אל פולוס במחזה בלילה לאמר אל תירא כי אם דבר ואל תחשה:

כי עמך אנכי ואיש אל יגע בך להרע לך כי גוי גדול לי בעיר הזאת:

אדנינו ישוע המשיח יהי עם רוחך החסד עמכם אמן:

מטה עזך ישלח יהוה מציון רדה בקרב איביך:

רעה עמך בשבטך צאן נחלתך שכני לבדד יער בתוך כרמל ירעו בשן וגלעד כימי עולם:

ואקח את מקלי את נעם ואגדע אתו להפיר את בריתי אשר כרתי את כל העמים:

ואגדע את מקלי השני את החבלים להפר את האחוה בין יהודה ובין ישראל: