כסאך אלהים עולם ועד שבט מישר שבט מלכותך:

אף אני בכור אתנהו עליון למלכי ארץ:

זרעו לעולם יהיה וכסאו כשמש נגדי:

כירח יכון עולם ועד בשחק נאמן סלה:

לדוד מזמור נאם יהוה לאדני שב לימיני עד אשית איביך הדם לרגליך:

מטה עזך ישלח יהוה מציון רדה בקרב איביך:

כי ילד ילד לנו בן נתן לנו ותהי המשרה על שכמו ויקרא שמו פלא יועץ אל גבור אביעד שר שלום:

למרבה המשרה ולשלום אין קץ על כסא דוד ועל ממלכתו להכין אתה ולסעדה במשפט ובצדקה מעתה ועד עולם קנאת יהוה צבאות תעשה זאת:

חזה הוית בחזוי ליליא וארו עם ענני שמיא כבר אנש אתה הוה ועד עתיק יומיא מטה וקדמוהי הקרבוהי:

ולה יהיב שלטן ויקר ומלכו וכל עממיא אמיא ולשניא לה יפלחון שלטנה שלטן עלם די לא יעדה ומלכותה די לא תתחבל:

ויגש ישוע וידבר אליהם לאמר נתן לי כל שלטן בשמים ובארץ:

כי דוד לא עלה השמימה והנה הוא אמר נאם יהוה לאדני שב לימיני:

לכן ידע נא בית ישראל כלו כי לאדון ולמשיח שמו האלהים את ישוע זה אשר צלבתם:

אלהי אבותינו הקים את ישוע אשר שלחתם ידכם בו ותתלו אותו על העץ:

את זה נשא האלהים בימינו לשר ולמושיע לתת תשובה לישראל וסליחת החטאים:

וישת כל תחת רגליו ויתן אתו לראש על הכל אל העדה:

על כן גם האלהים הגביהו מאד ויתן לו שם נעלה על כל שם:

וכל לשון תודה כי אדון הוא ישוע המשיח לכבוד אלהים האב:

שיר מזמור לבני קרח גדול יהוה ומהלל מאד בעיר אלהינו הר קדשו:

יפה נוף משוש כל הארץ הר ציון ירכתי צפון קרית מלך רב:

מציון מכלל יפי אלהים הופיע:

ויבחר את שבט יהודה את הר ציון אשר אהב:

כי בחר יהוה בציון אוה למושב לו:

זאת מנוחתי עדי עד פה אשב כי אותיה:

כי אם באתם אל הר ציון ואל עיר אלהים חיים אל ירושלים שבשמים:

וארא והנה שה עמד על הר ציון ועמו מאת אלף וארבעים וארבעה אלפים הנשאים שם אביו כתוב על מצחותם: