רבים מכאובים לרשע והבוטח ביהוה חסד יסובבנו:

הנה עין יהוה אל יראיו למיחלים לחסדו:

כי בו ישמח לבנו כי בשם קדשו בטחנו:

יהי חסדך יהוה עלינו כאשר יחלנו לך:

מה יקר חסדך אלהים ובני אדם בצל כנפיך יחסיון:

ואני כזית רענן בבית אלהים בטחתי בחסד אלהים עולם ועד:

רוצה יהוה את יראיו את המיחלים לחסדו:

הנה אל ישועתי אבטח ולא אפחד כי עזי וזמרת יה יהוה ויהי לי לישועה:

ושמרתם את נפשתיכם באהבת אלהים וחכיתם לרחמי אדנינו ישוע המשיח לחיי העולם:

למען אספרה כל תהלתיך בשערי בת ציון אגילה בישועתך:

ואבואה אל מזבח אלהים אל אל שמחת גילי ואודך בכנור אלהים אלהי:

מה תשתוחחי נפשי ומה תהמי עלי הוחילי לאלהים כי עוד אודנו ישועת פני ואלהי:

השיבה לי ששון ישעך ורוח נדיבה תסמכני:

כלתה לתשועתך נפשי לדברך יחלתי:

ותתפלל חנה ותאמר עלץ לבי ביהוה רמה קרני ביהוה רחב פי על אויבי כי שמחתי בישועתך:

ואני ביהוה אעלוזה אגילה באלהי ישעי:

ותגל רוחי באלהי ישעי:

וישובו הרעים מהללים ומשבחים את האלהים על כל אשר שמעו וראו כפי אשר נאמר אליהם: