כי אתה יהוה מחסי עליון שמת מעונך:

לא תאנה אליך רעה ונגע לא יקרב באהלך:

בשש צרות יצילך ובשבע לא יגע בך רע:

בשוט לשון תחבא ולא תירא משד כי יבוא:

כי עם אבני השדה בריתך וחית השדה השלמה לך:

וידעת כי רב זרעך וצאצאיך כעשב הארץ:

הנה זאת חקרנוה כן היא שמענה ואתה דע לך:

לא יאנה לצדיק כל און ורשעים מלאו רע:

ואל תביאנו לידי נסיון כי אם חלצנו מן הרע כי לך הממלכה והגבורה והתפארת לעולמי עולמים אמן:

והנה ידענו כי לאהבי אלהים הקרואים בעצתו הכל יעזר לטוב להם:

מי יפרידנו מאהבת המשיח הצרה או מצוקה או משטמה או רעב אם עריה או סכנה או חרב:

אבל בכל אלה גברנו מאד על ידי האהב אתנו:

לא הרוח ולא העמק ולא כל בריה אחרת יוכלו להפרידנו מאהבת האלהים אשר היא במשיח ישוע אדנינו:

ויצילני האדון מכל מעשה רע ויושיעני אל מלכותו שבשמים לו הכבוד לעולמי עולמים אמן:

פודה יהוה נפש עבדיו ולא יאשמו כל החסים בו:

יהוה ישמרהו ויחיהו יאשר בארץ ואל תתנהו בנפש איביו:

אהבי יהוה שנאו רע שמר נפשות חסידיו מיד רשעים יצילם:

שומר יהוה את כל אהביו ואת כל הרשעים ישמיד: