למנצח לבני קרח על עלמות שיר אלהים לנו מחסה ועז עזרה בצרות נמצא מאד:

עזרנו בשם יהוה עשה שמים וארץ:

אשרי שאל יעקב בעזרו שברו על יהוה אלהיו:

עשה שמים וארץ את הים ואת כל אשר בם השמר אמת לעולם:

הלוא ידעת אם לא שמעת אלהי עולם יהוה בורא קצות הארץ לא ייעף ולא ייגע אין חקר לתבונתו:

נתן ליעף כח ולאין אונים עצמה ירבה:

כי אני יהוה אלהיך מחזיק ימינך האמר לך אל תירא אני עזרתיך:

ויהוה אותי כגבור עריץ על כן רדפי יכשלו ולא יכלו בשו מאד כי לא השכילו כלמת עולם לא תשכח:

שחתך ישראל כי בי בעזרך:

על כן נבטח ונאמר יהוה לי בעזרי לא אירא מה יעשה לי אדם: