שיר המעלות אל יהוה בצרתה לי קראתי ויענני:

אכן לשקר מגבעות המון הרים אכן ביהוה אלהינו תשועת ישראל:

ואני נסכתי מלכי על ציון הר קדשי:

הר אלהים הר בשן הר גבננים הר בשן:

למה תרצדון הרים גבננים ההר חמד אלהים לשבתו אף יהוה ישכן לנצח:

ויבחר את שבט יהודה את הר ציון אשר אהב:

לבני קרח מזמור שיר יסודתו בהררי קדש:

שיר המעלות אליך נשאתי את עיני הישבי בשמים:

והלכו עמים רבים ואמרו לכו ונעלה אל הר יהוה אל בית אלהי יעקב וירנו מדרכיו ונלכה בארחתיו כי מציון תצא תורה ודבר יהוה מירושלם: