לדוד יהוה אורי וישעי ממי אירא יהוה מעוז חיי ממי אפחד:

אם תחנה עלי מחנה לא יירא לבי אם תקום עלי מלחמה בזאת אני בוטח:

למנצח לבני קרח על עלמות שיר אלהים לנו מחסה ועז עזרה בצרות נמצא מאד:

יהוה צבאות עמנו משגב לנו אלהי יעקב סלה:

באלהים אהלל דברו באלהים בטחתי לא אירא מה יעשה בשר לי:

אז ישובו אויבי אחור ביום אקרא זה ידעתי כי אלהים לי:

באלהים בטחתי לא אירא מה יעשה אדם לי:

אשרי שאל יעקב בעזרו שברו על יהוה אלהיו:

אנכי אנכי הוא מנחמכם מי את ותיראי מאנוש ימות ומבן אדם חציר ינתן:

ויהוה אותי כגבור עריץ על כן רדפי יכשלו ולא יכלו בשו מאד כי לא השכילו כלמת עולם לא תשכח:

אל תשמחי איבתי לי כי נפלתי קמתי כי אשב בחשך יהוה אור לי:

ותרא איבתי ותכסה בושה האמרה אלי איו יהוה אלהיך עיני תראינה בה עתה תהיה למרמס כטיט חוצות:

ועתה מה נאמר על זאת אם האלהים לנו מי יריב אתנו:

על כן נבטח ונאמר יהוה לי בעזרי לא אירא מה יעשה לי אדם: