כי אין במות זכרך בשאול מי יודה לך:

אדני עליהם יחיו ולכל בהן חיי רוחי ותחלימני והחיני:

כי לא שאול תודך מות יהללך לא ישברו יורדי בור אל אמתך:

יהוה להושיעני ונגנותי ננגן כל ימי חיינו על בית יהוה:

הלוא אתה מקדם יהוה אלהי קדשי לא נמות יהוה למשפט שמתו וצור להוכיח יסדתו:

וישמע ישוע ויאמר זאת המחלה איננה למות כי אם לכבוד האלהים למען יכבד בה בן האלהים:

כי אין איש מאתנו אשר יחיה לנפשו ואין איש אשר ימות לנפשו:

כי לזאת מת המשיח ויקם ויחי למען יהיה אדון גם על המתים גם על החיים:

רבות עשית אתה יהוה אלהי נפלאתיך ומחשבתיך אלינו אין ערך אליך אגידה ואדברה עצמו מספר:

צדקתך לא כסיתי בתוך לבי אמונתך ותשועתך אמרתי לא כחדתי חסדך ואמתך לקהל רב:

אלהים למדתני מנעורי ועד הנה אגיד נפלאותיך:

וגם עד זקנה ושיבה אלהים אל תעזבני עד אגיד זרועך לדור לכל יבוא גבורתך:

ואני קרבת אלהים לי טוב שתי באדני יהוה מחסי לספר כל מלאכותיך:

ויזבחו זבחי תודה ויספרו מעשיו ברנה:

בשפתי ספרתי כל משפטי פיך:

דור לדור ישבח מעשיך וגבורתיך יגידו:

הוציא יהוה את צדקתינו באו ונספרה בציון את מעשה יהוה אלהינו: