למנצח שיר מזמור הריעו לאלהים כל הארץ:

כל הארץ ישתחוו לך ויזמרו לך יזמרו שמך סלה:

יודוך עמים אלהים יודוך עמים כלם:

כל גוים אשר עשית יבואו וישתחוו לפניך אדני ויכבדו לשמך:

על כן בארים כבדו יהוה באיי הים שם יהוה אלהי ישראל:

מכנף הארץ זמרת שמענו צבי לצדיק ואמר רזי לי רזי לי אוי לי בגדים בגדו ובגד בוגדים בגדו:

שירו ליהוה שיר חדש תהלתו מקצה הארץ יורדי הים ומלאו איים וישביהם:

ישימו ליהוה כבוד ותהלתו באיים יגידו:

ואומר הללו את יהוה כל גוים שבחוהו כל האמים:

מי לא ייראך יהוה ולא יכבד את שמך כי קדוש אתה לבדך כי כל הגוים יבאו וישתחוו לפניך כי נגלו משפטי צדקך:

מלכי ארץ וכל לאמים שרים וכל שפטי ארץ:

יהללו את שם יהוה כי נשגב שמו לבדו הודו על ארץ ושמים:

כל הנשמה תהלל יה הללו יה:

וישירו שיר חדש לאמר לך נאה לקחת את הספר ולפתח את חותמיו כי אתה נשחטת ובדמך קניתנו לאלהים מכל משפחה ולשון וכל עם וגוי:

אחרי כן ראיתי והנה המון רב אשר לא יכל איש למנותו מכל הגוים והמשפחות והעמים והלשנות ויעמדו לפני הכסא ולפני השה מלבשים שמלות לבנות וכפות תמרים בידיהם:

ויקראו בקול גדול לאמר הישועה לאלהינו הישב על הכסא ולשה: