אהבת צדק ותשנא רשע על כן משחך אלהים אלהיך שמן ששון מחבריך:

ועז מלך משפט אהב אתה כוננת מישרים משפט וצדקה ביעקב אתה עשית:

יהוה פקח עורים יהוה זקף כפופים יהוה אהב צדיקים:

כי אני יהוה אהב משפט שנא גזל בעולה ונתתי פעלתם באמת וברית עולם אכרות להם:

כי אתה תברך צדיק יהוה כצנה רצון תעטרנו:

כי תשיתהו ברכות לעד תחדהו בשמחה את פניך:

הנה עין יהוה אל יראיו למיחלים לחסדו:

עיני יהוה אל צדיקים ואזניו אל שועתם:

מה תשתוחחי נפשי ותהמי עלי הוחילי לאלהים כי עוד אודנו ישועות פניו:

לא יגרע מצדיק עיניו ואת מלכים לכסא וישיבם לנצח ויגבהו:

כי עיני יהוה אל צדיקים ואזניו אל שועתם ופני יהוה בעשי רע: