יודו ליהוה חסדו ונפלאותיו לבני אדם:

יודו ליהוה חסדו ונפלאותיו לבני אדם:

יודו ליהוה חסדו ונפלאותיו לבני אדם:

לו עמי שמע לי ישראל בדרכי יהלכו:

משנאי יהוה יכחשו לו ויהי עתם לעולם:

מי יתן והיה לבבם זה להם ליראה אתי ולשמר את כל מצותי כל הימים למען ייטב להם ולבניהם לעלם:

לו חכמו ישכילו זאת יבינו לאחריתם:

לוא הקשבת למצותי ויהי כנהר שלומך וצדקתך כגלי הים:

גדלו ליהוה אתי ונרוממה שמו יחדו:

מזמור שיר ליום השבת טוב להדות ליהוה ולזמר לשמך עליון:

להגיד בבקר חסדך ואמונתך בלילות:

הללו יה כי טוב זמרה אלהינו כי נעים נאוה תהלה:

חסדי יהוה אזכיר תהלת יהוה כעל כל אשר גמלנו יהוה ורב טוב לבית ישראל אשר גמלם כרחמיו וכרב חסדיו:

רבות עשית אתה יהוה אלהי נפלאתיך ומחשבתיך אלינו אין ערך אליך אגידה ואדברה עצמו מספר:

לא נכחד מבניהם לדור אחרון מספרים תהלות יהוה ועזוזו ונפלאותיו אשר עשה:

זכר עשה לנפלאתיו חנון ורחום יהוה:

אתיא ותמהיא די עבד עמי אלהא עליא שפר קדמי להחויה:

אתוהי כמה רברבין ותמהוהי כמה תקיפין מלכותה מלכות עלם ושלטנה עם דר ודר:

משיזב ומצל ועבד אתין ותמהין בשמיא ובארעא די שיזיב לדניאל מן יד אריותא: