חי יהוה וברוך צורי וירום אלוהי ישעי:

הרפו ודעו כי אנכי אלהים ארום בגוים ארום בארץ:

רוממו יהוה אלהינו והשתחוו להדם רגליו קדוש הוא:

רוממו יהוה אלהינו והשתחוו להר קדשו כי קדוש יהוה אלהינו:

עזי וזמרת יה ויהי לי לישועה זה אלי ואנוהו אלהי אבי וארממנהו:

ואמרתם ביום ההוא הודו ליהוה קראו בשמו הודיעו בעמים עלילתיו הזכירו כי נשגב שמו:

יהוה אלהי אתה ארוממך אודה שמך כי עשית פלא עצות מרחוק אמונה אמן:

אספרה שמך לאחי בתוך קהל אהללך:

מאתך תהלתי בקהל רב נדרי אשלם נגד יראיו:

בשרתי צדק בקהל רב הנה שפתי לא אכלא יהוה אתה ידעת:

צדקתך לא כסיתי בתוך לבי אמונתך ותשועתך אמרתי לא כחדתי חסדך ואמתך לקהל רב:

לכו שמעו ואספרה כל יראי אלהים אשר עשה לנפשי:

הללו יה אודה יהוה בכל לבב בסוד ישרים ועדה:

ואדברה בעדתיך נגד מלכים ולא אבוש:

וימלא פטרוס רוח הקדש ויאמר אליהם אתם ראשי העם וזקני ישראל:

יודע לכלכם ולכל עם ישראל כי בשם ישוע המשיח הנצרי אשר צלבתם אותו ואשר האלהים הקימו מן המתים כי בשמו עמד זה לפניכם בריא:

ואין הישועה באחר ואין תחת השמים שם אחר הנתן לבני אדם אשר בו נושע: