בידך אפקיד רוחי פדיתה אותי יהוה אל אמת:

והוא יפדה את ישראל מכל עונתיו:

תפל עליהם אימתה ופחד בגדל זרועך ידמו כאבן עד יעבר עמך יהוה עד יעבר עם זו קנית:

וזכרת כי עבד היית בארץ מצרים ויפדך יהוה אלהיך על כן אנכי מצוך את הדבר הזה היום:

לא יהיה שם אריה ופריץ חיות בל יעלנה לא תמצא שם והלכו גאולים:

ועתה כה אמר יהוה בראך יעקב ויצרך ישראל אל תירא כי גאלתיך קראתי בשמך לי אתה:

מחיתי כעב פשעיך וכענן חטאותיך שובה אלי כי גאלתיך:

ברוך יהוה אלהי ישראל כי פקד את עמו וישלח לו פדות:

ואנחנו חכינו כי הוא העתיד לגאל את ישראל ועתה בכל זאת היום יום שלישי מאז נעשו אלה:

המשיח פדנו מקללת התורה בהיותו לקללה בעדנו שנאמר קללת אלהים תלוי:

אשר נתן את נפשו בעדנו לגאלנו מכל עול ולטהר לו עם סגלה הזריז במעשים טובים:

מדעתכם כי לא בדבר נפסד בכסף או בזהב נפדיתם מדרך הבלכם אשר הנחלתם מאת אבותיכם:

כי אם בדם יקר של שה תמים ומום אין בו בדם המשיח:

ויושיעם מיד שונא ויגאלם מיד אויב:

כי מאהבת יהוה אתכם ומשמרו את השבעה אשר נשבע לאבתיכם הוציא יהוה אתכם ביד חזקה ויפדך מבית עבדים מיד פרעה מלך מצרים:

והצלתיך מיד רעים ופדתיך מכף ערצים:

כי פדה יהוה את יעקב וגאלו מיד חזק ממנו:

חולי וגחי בת ציון כיולדה כי עתה תצאי מקריה ושכנת בשדה ובאת עד בבל שם תנצלי שם יגאלך יהוה מכף איביך:

להצילנו מיד איבינו ולתתנו לעבדו בלי פחד: