אשרי האיש אשר לא הלך בעצת רשעים ובדרך חטאים לא עמד ובמושב לצים לא ישב:

והיה כעץ שתול על פלגי מים אשר פריו יתן בעתו ועלהו לא יבול וכל אשר יעשה יצליח:

כי שמש ומגן יהוה אלהים חן וכבוד יתן יהוה לא ימנע טוב להלכים בתמים:

יהוה צבאות אשרי אדם בטח בך:

אשרי תמימי דרך ההלכים בתורת יהוה:

אף לא פעלו עולה בדרכיו הלכו:

כי כל אשר יעשה רצון האלהים הוא אחי ואחותי ואמי:

כל הבא אלי ושומע את דברי ועשה אתם אורה אתכם למי הוא דומה:

ואשר שמע ולא עשה דומה לאיש אשר בנה בית על הקרקע בלי יסוד ויפרץ בו הנהר ויפל פתאם ויגדל שבר הבית ההוא:

והוא אמר ואף כי אשרי השמעים והשמרים את דבר האלהים:

אם ידעתם זאת אשריכם אם כן תעשו:

ואתם ידידי אתם אם תעשו את אשר אני מצוה אתכם:

אבל המשקיף בתורה השלמה תורת החרות ומחזיק בה אשר איננו שמע ושכח כי אם עשה בפעל אשרי האיש ההוא במעשהו:

לכן הנם לפני כסא האלהים ומשרתים אותו בהיכלו יומם ולילה והישב על הכסא יתן משכנו עליהם:

אשרי העשים את מצותיו למען תהיה ממשלתם בעץ החיים ובאו העירה דרך השערים:

נשבעתי ואקימה לשמר משפטי צדקך:

כה אמר יהוה שמרו משפט ועשו צדקה כי קרובה ישועתי לבוא וצדקתי להגלות:

אשרי אנוש יעשה זאת ובן אדם יחזיק בה שמר שבת מחללו ושמר ידו מעשות כל רע:

התמלך כי אתה מתחרה בארז אביך הלוא אכל ושתה ועשה משפט וצדקה אז טוב לו:

דן דין עני ואביון אז טוב הלוא היא הדעת אתי נאם יהוה:

אך אוי לכם הפרושים כי תעשרו את המנתא ואת הפיגם ואת כל הירק ותעברו את המשפט ואת אהבת אלהים והיה לכם לעשות את אלה ולא להניח גם את אלה:

מי אשר מצותי אתו וינצרן זה הוא אשר יאהבני ואהבי אהוב הוא לאבי ואני אהבהו ואליו אתודע:

ויען ישוע ויאמר אליו איש כי יאהבני ישמר את דברי ואבי יאהב אתו ונבואה אליו ונשים אצלו מעונתנו:

הולך תמים ופעל צדק ודבר אמת בלבבו:

ואשמרה תורתך תמיד לעולם ועד:

פגעת את שש ועשה צדק בדרכיך יזכרוך הן אתה קצפת ונחטא בהם עולם ונושע:

והרשע כי ישוב מכל חטאתו אשר עשה ושמר את כל חקותי ועשה משפט וצדקה חיה יחיה לא ימות:

כל פשעיו אשר עשה לא יזכרו לו בצדקתו אשר עשה יחיה:

להצילנו מיד איבינו ולתתנו לעבדו בלי פחד:

בתמים ובצדקה לפניו כל ימי חיינו:

ובזאת גם עמלתי להיות תמים לב לאלהים ולאדם תמיד:

למתמידים בעשות הטוב ומבקשים את הכבוד וההדר ואת אשר איננו עבד יתן את חיי העולמים:

ואנחנו בעשות הטוב אל נחת כי נקצר בעתו אם לא נרפה:

אשרי העשים את מצותיו למען תהיה ממשלתם בעץ החיים ובאו העירה דרך השערים:

גרסה נפשי לתאבה אל משפטיך בכל עת:

נטיתי לבי לעשות חקיך לעולם עקב:

ולא תגנב:

ואהבת את יהוה אלהיך ושמרת משמרתו וחקתיו ומשפטיו ומצותיו כל הימים: