אשר נשבעתי באפי אם יבאון אל מנוחתי:

אמר אלהם חי אני נאם יהוה אם לא כאשר דברתם באזני כן אעשה לכם:

אם אתם תבאו אל הארץ אשר נשאתי את ידי לשכן אתכם בה כי אם כלב בן יפנה ויהושע בן נון:

ופגריכם אתם יפלו במדבר הזה:

במספר הימים אשר תרתם את הארץ ארבעים יום יום לשנה יום לשנה תשאו את עונתיכם ארבעים שנה וידעתם את תנואתי:

וישמע יהוה את קול דבריכם ויקצף וישבע לאמר:

אם יראה איש באנשים האלה הדור הרע הזה את הארץ הטובה אשר נשבעתי לתת לאבתיכם:

אשר נשבעתי באפי אם יבאון אל מנוחתי:

ולמי נשבע לבלתי בא אל מנוחתו אם לא לסוררים:

ויאמר אברם אל מלך סדם הרימתי ידי אל יהוה אל עליון קנה שמים וארץ:

אם מחוט ועד שרוך נעל ואם אקח מכל אשר לך ולא תאמר אני העשרתי את אברם:

והבאתי אתכם אל הארץ אשר נשאתי את ידי לתת אתה לאברהם ליצחק וליעקב ונתתי אתה לכם מורשה אני יהוה:

כי אשא אל שמים ידי ואמרתי חי אנכי לעלם:

אשכיר חצי מדם וחרבי תאכל בשר מדם חלל ושביה מראש פרעות אויב:

וגם אני נשאתי ידי להם במדבר לבלתי הביא אותם אל הארץ אשר נתתי זבת חלב ודבש צבי היא לכל הארצות:

והמלאך אשר ראיתיו עמד על הים ועל הארץ הרים ידו אל השמים:

וישבע בחי עולמי העולמים אשר ברא את השמים וכל אשר בהם והארץ וכל אשר בה והים וכל אשר בו כי לא יהיה עוד זמן: