ויהי יהוה משגב לדך משגב לעתות בצרה:

ראתה כי אתה עמל וכעס תביט לתת בידך עליך יעזב חלכה יתום אתה היית עוזר:

יהוה מלך עולם ועד אבדו גוים מארצו:

לשפט יתום ודך בל יוסיף עוד לערץ אנוש מן הארץ:

משד עניים מאנקת אביונים עתה אקום יאמר יהוה אשית בישע יפיח לו:

ישפט עניי עם יושיע לבני אביון וידכא עושק:

כי יציל אביון משוע ועני ואין עזר לו:

כי יעמד לימין אביון להושיע משפטי נפשו:

עשה משפט לעשוקים נתן לחם לרעבים יהוה מתיר אסורים:

לא תעשק שכיר עני ואביון מאחיך או מגרך אשר בארצך בשעריך:

ביומו תתן שכרו ולא תבוא עליו השמש כי עני הוא ואליו הוא נשא את נפשו ולא יקרא עליך אל יהוה והיה בך חטא:

זה חלק אדם רשע עם אל ונחלת עריצים משדי יקחו:

שרידו במות יקברו ואלמנתיו לא תבכינה:

יכין וצדיק ילבש וכסף נקי יחלק:

עשיר ישכב ולא יאסף עיניו פקח ואיננו:

ישאהו קדים וילך וישערהו ממקמו:

ישפק עלימו כפימו וישרק עליו ממקמו:

עשק דל חרף עשהו ומכבדו חנן אביון:

אל תגזל דל כי דל הוא ואל תדכא עני בשער:

כי יהוה יריב ריבם וקבע את קבעיהם נפש:

אל תסג גבול עולם ובשדי יתומים אל תבא:

ונשאת המשל הזה על מלך בבל ואמרת איך שבת נגש שבתה מדהבה:

מכה עמים בעברה מכת בלתי סרה רדה באף גוים מרדף בלי חשך:

גם ברושים שמחו לך ארזי לבנון מאז שכבת לא יעלה הכרת עלינו:

כלם יענו ויאמרו אליך גם אתה חלית כמונו אלינו נמשלת:

איך נפלת משמים הילל בן שחר נגדעת לארץ חולש על גוים:

אעלה על במתי עב אדמה לעליון:

ראיך אליך ישגיחו אליך יתבוננו הזה האיש מרגיז הארץ מרעיש ממלכות:

כל מלכי גוים כלם שכבו בכבוד איש בביתו:

לא תחד אתם בקבורה כי ארצך שחת עמך הרגת לא יקרא לעולם זרע מרעים:

וקמתי עליהם נאם יהוה צבאות והכרתי לבבל שם ושאר ונין ונכד נאם יהוה:

נשבע יהוה צבאות לאמר אם לא כאשר דמיתי כן היתה וכאשר יעצתי היא תקום:

זאת העצה היעוצה על כל הארץ וזאת היד הנטויה על כל הגוים:

בשנת מות המלך אחז היה המשא הזה:

ורעו בכורי דלים ואביונים לבטח ירבצו והמתי ברעב שרשך ושאריתך יהרג:

ומה יענה מלאכי גוי כי יהוה יסד ציון ובה יחסו עניי עמו:

שם תבל כמדבר ועריו הרס אסיריו לא פתח ביתה:

ואתה השלכת מקברך כנצר נתעב לבוש הרגים מטעני חרב יורדי אל אבני בור כפגר מובס:

הלוא זה צום אבחרהו פתח חרצבות רשע התר אגדות מוטה ושלח רצוצים חפשים וכל מוטה תנתקו:

הלוא פרס לרעב לחמך ועניים מרודים תביא בית כי תראה ערם וכסיתו ומבשרך לא תתעלם:

גר יתום ואלמנה לא תעשקו ודם נקי אל תשפכו במקום הזה ואחרי אלהים אחרים לא תלכו לרע לכם:

הנה אתם בטחים לכם על דברי השקר לבלתי הועיל:

ובאתם ועמדתם לפני בבית הזה אשר נקרא שמי עליו ואמרתם נצלנו למען עשות את כל התועבות האלה:

כי לכו נא אל מקומי אשר בשילו אשר שכנתי שמי שם בראשונה וראו את אשר עשיתי לו מפני רעת עמי ישראל:

ועשיתי לבית אשר נקרא שמי עליו אשר אתם בטחים בו ולמקום אשר נתתי לכם ולאבותיכם כאשר עשיתי לשלו:

אב ואם הקלו בך לגר עשו בעשק בתוכך יתום ואלמנה הונו בך:

שחד לקחו בך למען שפך דם נשך ותרבית לקחת ותבצעי רעיך בעשק ואתי שכחת נאם אדני יהוה:

היעמד לבך אם תחזקנה ידיך לימים אשר אני עשה אותך אני יהוה דברתי ועשיתי:

הוי חשבי און ופעלי רע על משכבותם באור הבקר יעשוה כי יש לאל ידם:

לכן כה אמר יהוה הנני חשב על המשפחה הזאת רעה אשר לא תמישו משם צוארתיכם ולא תלכו רומה כי עת רעה היא:

שנאי טוב ואהבי רעה גזלי עורם מעליהם ושארם מעל עצמותם:

אז יזעקו אל יהוה ולא יענה אותם ויסתר פניו מהם בעת ההיא כאשר הרעו מעלליהם:

ואתם הכלמתם את העני הלא העשירים הם העשקים אתכם והם הסחבים אתכם אל בתי דין:

הוי העשירים בכו והילילו על הצרות אשר תבאנה עליכם:

זהבכם וכספכם כסתם חלאה והיתה חלאתם בכם לעדות ואכלה כמו אש את בשרכם אצרתם לכם אוצרות בקץ הימים:

התעדנתם בארץ והתענגתם והשמנתם את לבכם כמו ליום טבחה: