ברכו יהוה כל מעשיו בכל מקמות ממשלתו ברכי נפשי את יהוה:

ברכי נפשי את יהוה יהוה אלהי גדלת מאד הוד והדר לבשת:

הללו יה הללי נפשי את יהוה:

אהללה יהוה בחיי אזמרה לאלהי בעודי:

ותאמר מרים רוממה נפשי את יהוה:

ותגל רוחי באלהי ישעי:

כי מלך כל הארץ אלהים זמרו משכיל:

נכון לבי אלהים נכון לבי אשירה ואזמרה:

אודך בעמים אדני אזמרך בל אמים:

רומה על שמים אלהים על כל הארץ כבודך:

כמו חלב ודשן תשבע נפשי ושפתי רננות יהלל פי:

אודך אדני אלהי בכל לבבי ואכבדה שמך לעולם:

כי חסדך גדול עלי והצלת נפשי משאול תחתיה:

הללו יה אודה יהוה בכל לבב בסוד ישרים ועדה:

לדוד אודך בכל לבי נגד אלהים אזמרך:

ואהבת את יהוה אלהיך בכל לבבך ובכל נפשך ובכל מדעך ובכל מאדך זאת היא המצוה הראשנה:

ויאמר אליו הסופר אמנם רבי יפה דברת כי אלהים אחד הוא ואין עוד מלבדו:

האלהים רוח הוא והמשתחוים לו צריכים להשתחות ברוח ובאמת:

ועתה מה לעשות אתפללה ברוחי ואתפללה גם בשכלי אזמרה ברוחי ואזמרה גם בשכלי:

ועל זאת מתפלל אנכי כי תרבה ותגדל אהבתכם בהשכל ובכל דעת:

דבר האדון ישכן בקרבכם בשפע רב בכל חכמה ותלמדו ותעוררו את נפשכם בתהלות ותשבחות ושירות רוחניות ושירו ליהוה בנעימה בלבבכם:

יודו שמך גדול ונורא קדוש הוא:

וקרא זה אל זה ואמר קדוש קדוש קדוש יהוה צבאות מלא כל הארץ כבודו:

ולכל אחת מארבע החיות שש כנפים מסביב ולפנימה הנה מלאות עינים ואין דמי להן יומם ולילה ואמרות קדוש קדוש קדוש יהוה אלהים צבאות היה והוה ויבוא: