וירא אלהים את הארץ והנה נשחתה כי השחית כל בשר את דרכו על הארץ:

כן ארחות כל בצע בצע את נפש בעליו יקח:

העזבים ארחות ישר ללכת בדרכי חשך:

אשר ארחתיהם עקשים ונלוזים במעגלותם:

הוי החקקים חקקי און ומכתבים עמל כתבו:

העמיקו שחתו כימי הגבעה יזכור עונם יפקוד חטאתם:

שד ושבר במסלותם:

מה גדלו מעשיך יהוה מאד עמקו מחשבתיך:

איש בער לא ידע וכסיל לא יבין את זאת:

ארח חיים למעלה למשכיל למען סור משאול מטה:

אל תקנא באנשי רעה ואל תתאו להיות אתם:

והיה כנור ונבל תף וחליל ויין משתיהם ואת פעל יהוה לא יביטו ומעשה ידיו לא ראו:

יהוה רמה ידך בל יחזיון יחזו ויבשו קנאת עם אף אש צריך תאכלם:

כי אמרתם כרתנו ברית את מות ועם שאול עשינו חזה שיט שוטף כי עבר לא יבואנו כי שמנו כזב מחסנו ובשקר נסתרנו:

וישפך עליו חמה אפו ועזוז מלחמה ותלהטהו מסביב ולא ידע ותבער בו ולא ישים על לב:

מי חכם ויבן אלה נבון וידעם כי ישרים דרכי יהוה וצדקים ילכו בם ופשעים יכשלו בם:

משד עניים מאנקת אביונים עתה אקום יאמר יהוה אשית בישע יפיח לו:

ויצאו השדה ויבצרו את כרמיהם וידרכו ויעשו הלולים ויבאו בית אלהיהם ויאכלו וישתו ויקללו את אבימלך:

ויאמר אליו זבל איה אפוא פיך אשר תאמר מי אבימלך כי נעבדנו הלא זה העם אשר מאסתה בו צא נא עתה והלחם בו:

וילך המלך ואנשיו ירושלם אל היבסי יושב הארץ ויאמר לדוד לאמר לא תבוא הנה כי אם הסירך העורים והפסחים לאמר לא יבוא דוד הנה:

וישלח אליו בן הדד ויאמר כה יעשון לי אלהים וכה יוספו אם ישפק עפר שמרון לשעלים לכל העם אשר ברגלי:

ויען מלך ישראל ויאמר דברו אל יתהלל חגר כמפתח:

והנה נביא אחד נגש אל אחאב מלך ישראל ויאמר כה אמר יהוה הראית את כל ההמון הגדול הזה הנני נתנו בידך היום וידעת כי אני יהוה: