תאלמנה שפתי שקר הדברות על צדיק עתק בגאוה ובוז:

אל תבואני רגל גאוה ויד רשעים אל תנדני:

חטאת פימו דבר שפתימו וילכדו בגאונם ומאלה ומכחש יספרו:

אחלי יכנו דרכי לשמר חקיך:

טפלו עלי שקר זדים אני בכל לב אצר פקודיך:

כרו לי זדים שיחות אשר לא כתורתך:

ערב עבדך לטוב אל יעשקני זדים:

טמנו גאים פח לי וחבלים פרשו רשת ליד מעגל מקשים שתו לי סלה:

עודך מסתולל בעמי לבלתי שלחם:

עתה ידעתי כי גדול יהוה מכל האלהים כי בדבר אשר זדו עליהם:

והיה כי יבצע אדני את כל מעשהו בהר ציון ובירושלם אפקד על פרי גדל לבב מלך אשור ועל תפארת רום עיניו:

כי אמר בכח ידי עשיתי ובחכמתי כי נבנותי ואסיר גבולת עמים ועתידתיהם שושתי ואוריד כאביר יושבים:

ואתה אמרת בלבבך השמים אעלה ממעל לכוכבי אל ארים כסאי ואשב בהר מועד בירכתי צפון:

ראיך אליך ישגיחו אליך יתבוננו הזה האיש מרגיז הארץ מרעיש ממלכות:

ויאמר עזריה בן הושעיה ויוחנן בן קרח וכל האנשים הזדים אמרים אל ירמיהו שקר אתה מדבר לא שלחך יהוה אלהינו לאמר לא תבאו מצרים לגור שם:

ישוב עמלו בראשו ועל קדקדו חמסו ירד:

טבעו גוים בשחת עשו ברשת זו טמנו נלכדה רגלם:

נודע יהוה משפט עשה בפעל כפיו נוקש רשע הגיון סלה:

עוונותיו ילכדנו את הרשע ובחבלי חטאתו יתמך: