קומה יהוה הושיעני אלהי כי הכית את כל איבי לחי שני רשעים שברת:

קומה יהוה באפך הנשא בעברות צוררי ועורה אלי משפט צוית:

קומה יהוה אל יעז אנוש ישפטו גוים על פניך:

הנשא שפט הארץ השב גמול על גאים:

יהוה רמה ידך בל יחזיון יחזו ויבשו קנאת עם אף אש צריך תאכלם:

עתה אקום יאמר יהוה עתה ארומם עתה אנשא:

תרם ידך על צריך וכל איביך יכרתו:

כי דרש דמים אותם זכר לא שכח צעקת עניים:

למנצח מזמור לדוד עד אנה יהוה תשכחני נצח עד אנה תסתיר את פניך ממני:

השכח חנות אל אם קפץ באף רחמיו סלה: