ואלהינו בשמים כל אשר חפץ עשה:

השמים שמים ליהוה והארץ נתן לבני אדם:

אל תבהל על פיך ולבך אל ימהר להוציא דבר לפני האלהים כי האלהים בשמים ואתה על הארץ על כן יהיו דבריך מעטים:

כי כה אמר רם ונשא שכן עד וקדוש שמו מרום וקדוש אשכון ואת דכא ושפל רוח להחיות רוח שפלים ולהחיות לב נדכאים:

כה אמר יהוה השמים כסאי והארץ הדם רגלי אי זה בית אשר תבנו לי ואי זה מקום מנוחתי:

כי אראה שמיך מעשי אצבעתיך ירח וכוכבים אשר כוננתה:

מה אנוש כי תזכרנו ובן אדם כי תפקדנו: