גם אני לא אחשך פי אדברה בצר רוחי אשיחה במר נפשי:

כי אמרתי תנחמני ערשי ישא בשיחי משכבי:

ותבחר מחנק נפשי מות מעצמותי:

מה אנוש כי תגדלנו וכי תשית אליו לבך:

כמה לא תשעה ממני לא תרפני עד בלעי רקי:

ומה לא תשא פשעי ותעביר את עוני כי עתה לעפר אשכב ושחרתני ואינני:

נקטה נפשי בחיי אעזבה עלי שיחי אדברה במר נפשי:

אמר אל אלוה אל תרשיעני הודיעני על מה תריבני:

אל תתן את אמתך לפני בת בליעל כי מרב שיחי וכעסי דברתי עד הנה:

למנצח על אילת השחר מזמור לדוד אלי אלי למה עזבתני רחוק מישועתי דברי שאגתי:

ואתה קדוש יושב תהלות ישראל:

אזכרה אלהים ואהמיה אשיחה ותתעטף רוחי סלה:

חשבתי ימים מקדם שנות עולמים:

הלעולמים יזנח אדני ולא יסיף לרצות עוד:

השכח חנות אל אם קפץ באף רחמיו סלה:

תפלה לעני כי יעטף ולפני יהוה ישפך שיחו יהוה שמעה תפלתי ושועתי אליך תבוא:

אשפך לפניו שיחי צרתי לפניו אגיד:

בהתעטף עלי רוחי ואתה ידעת נתיבתי בארח זו אהלך טמנו פח לי:

ויאמר להם נפשי מרה לי עד מות עמדו פה ושקדו עמי:

ויהי מלך ישראל עבר על החמה ואשה צעקה אליו לאמר הושיעה אדני המלך:

ויאמר אל יושעך יהוה מאין אושיעך המן הגרן או מן היקב:

מה תשתוחחי נפשי ומה תהמי עלי הוחילי לאלהים כי עוד אודנו ישועת פני ואלהי:

וידבר משה כן אל בני ישראל ולא שמעו אל משה מקצר רוח ומעבדה קשה: