ויאמר ערם יצתי מבטן אמי וערם אשוב שמה יהוה נתן ויהוה לקח יהי שם יהוה מברך:

מי לא ידע בכל אלה כי יד יהוה עשתה זאת:

אשר בידו נפש כל חי ורוח כל בשר איש:

הבטחים על חילם וברב עשרם יתהללו:

אח לא פדה יפדה איש לא יתן לאלהים כפרו:

גם אל יתצך לנצח יחתך ויסחך מאהל ושרשך מארץ חיים סלה:

הנה הגבר לא ישים אלהים מעוזו ויבטח ברב עשרו יעז בהותו:

אין אדם שליט ברוח לכלוא את הרוח ואין שלטון ביום המות ואין משלחת במלחמה ולא ימלט רשע את בעליו:

ויקרא אתו ויאמר אליו מה זאת שמעתי עליך תן חשבון פקדתך כי לא תוכל להיות עוד פקיד:

ויאמר אברהם בני זכר כי לקחת טובך בחייך וגם לעזר לקח את הרעות ועתה הוא ינחם ואתה תצטער:

והוא מלא בתיהם טוב ועצת רשעים רחקה מני:

בסדם אל תבא נפשי בקהלם אל תחד כבדי כי באפם הרגו איש וברצנם עקרו שור:

אשרי האיש אשר לא הלך בעצת רשעים ובדרך חטאים לא עמד ובמושב לצים לא ישב:

בני אם יפתוך חטאים אל תבא:

הרחק מעליה דרכך ואל תקרב אל פתח ביתה: