ויאמר פרעה מי יהוה אשר אשמע בקלו לשלח את ישראל לא ידעתי את יהוה וגם את ישראל לא אשלח:

אשר אמרו ללשננו נגביר שפתינו אתנו מי אדון לנו:

פן אשבע וכחשתי ואמרתי מי יהוה ופן אורש וגנבתי ותפשתי שם אלהי:

כמרעיתם וישבעו שבעו וירם לבם על כן שכחוני:

כי אמר לא יסכן גבר ברצתו עם אלהים:

כי תאמר מה יסכן לך מה אעיל מחטאתי:

סורו מני דרך הטו מני ארח השביתו מפנינו את קדוש ישראל:

ואמרתם הנה מתלאה והפחתם אותו אמר יהוה צבאות והבאתם גזול ואת הפסח ואת החולה והבאתם את המנחה הארצה אותה מידכם אמר יהוה:

וארור נוכל ויש בעדרו זכר ונדר וזבח משחת לאדני כי מלך גדול אני אמר יהוה צבאות ושמי נורא בגוים:

לא בסתר דברתי במקום ארץ חשך לא אמרתי לזרע יעקב תהו בקשוני אני יהוה דבר צדק מגיד מישרים:

שאלו וינתן לכם דרשו ותמצאו דפקו ויפתח לכם:

עד עתה לא שאלתם דבר בשמי שאלו ותקחו למען תמלא שמחתכם: