גם אור רשעים ידעך ולא יגה שביב אשו:

אור חשך באהלו ונרו עליו ידעך:

ואל ארץ יביט והנה צרה וחשכה מעוף צוקה ואפלה מנדח:

אבל בני המלכות המה יגרשו אל החשך החיצון שם תהיה היללה וחרוק השנים:

משברי ים עזים אשר יגרשו בשתם ככבים תעים אשר חשך אפלה צפון להם עדי עד:

תשיתמו כתנור אש לעת פניך יהוה באפו יבלעם ותאכלם אש:

חצי גבור שנונים עם גחלי רתמים:

כי ערוך מאתמול תפתה גם הוא למלך הוכן העמיק הרחב מדרתה אש ועצים הרבה נשמת יהוה כנחל גפרית בערה בה:

אשר בידו המזרה וזרה את גרנו ואסף את דגנו אל אוצרו ואת המץ ישרפנו באש אשר לא תכבה:

לא נין לו ולא נכד בעמו ואין שריד במגוריו:

יהיו בניו יתומים ואשתו אלמנה:

ינקש נושה לכל אשר לו ויבזו זרים יגיעו:

יהי אחריתו להכרית בדור אחר ימח שמם:

יהיו נגד יהוה תמיד ויכרת מארץ זכרם:

לא תחד אתם בקבורה כי ארצך שחת עמך הרגת לא יקרא לעולם זרע מרעים:

וקמתי עליהם נאם יהוה צבאות והכרתי לבבל שם ושאר ונין ונכד נאם יהוה: