הטוב לך כי תעשק כי תמאס יגיע כפיך ועל עצת רשעים הופעת:

אם רשעתי אללי לי וצדקתי לא אשא ראשי שבע קלון וראה עניי:

תחדש עדיך נגדי ותרב כעשך עמדי חליפות וצבא עמי:

על לא חמס בכפי ותפלתי זכה:

גם עתה הנה בשמים עדי ושהדי במרומים:

הן ידעתי מחשבותיכם ומזמות עלי תחמסו:

אלהי אקרא יומם ולא תענה ולילה ולא דומיה לי:

כי מדי אדבר אזעק חמס ושד אקרא כי היה דבר יהוה לי לחרפה ולקלס כל היום:

גם כי אזעק ואשוע שתם תפלתי:

עד אנה יהוה שועתי ולא תשמע אזעק אליך חמס ולא תושיע:

למה תראני און ועמל תביט ושד וחמס לנגדי ויהי ריב ומדון ישא:

כי לא איש כמני אעננו נבוא יחדו במשפט:

הן יקטלני לא איחל אך דרכי אל פניו אוכיח:

שמעו שמוע מלתי ואחותי באזניכם:

מי הוא יריב עמדי כי עתה אחריש ואגוע:

כפך מעלי הרחק ואמתך אל תבעתני:

כמה לי עונות וחטאות פשעי וחטאתי הדיעני:

ויוכח לגבר עם אלוה ובן אדם לרעהו:

מי יתן ידעתי ואמצאהו אבוא עד תכונתו:

אדעה מלים יענני ואבינה מה יאמר לי:

שם ישר נוכח עמו ואפלטה לנצח משפטי:

מי יתן לי שמע לי הן תוי שדי יענני וספר כתב איש ריבי:

אם לא על שכמי אשאנו אענדנו עטרות לי:

כי אמר איוב צדקתי ואל הסיר משפטי:

האף תפר משפטי תרשיעני למען תצדק: