אהבי ורעי מנגד נגעי יעמדו וקרובי מרחק עמדו:

איש רעים להתרעע ויש אהב דבק מאח:

אל תאמינו ברע אל תבטחו באלוף משכבת חיקך שמר פתחי פיך:

כי בן מנבל אב בת קמה באמה כלה בחמתה איבי איש אנשי ביתו:

והיה אח ימסר את אחיו למות ואב ימסר את בנו וקמו בנים באבותם וימיתו אותם:

ועצת אחיתפל אשר יעץ בימים ההם כאשר ישאל בדבר האלהים כן כל עצת אחיתפל גם לדוד גם לאבשלם:

כי לא אויב יחרפני ואשא לא משנאי עלי הגדיל ואסתר ממנו:

אשר יחדו נמתיק סוד בבית אלהים נהלך ברגש:

כי שמעתי דבת רבים מגור מסביב הגידו ונגידנו כל אנוש שלומי שמרי צלעי אולי יפתה ונוכלה לו ונקחה נקמתנו ממנו:

לא על כלכם דברתי יודע אני את אשר בחרתי בהם אך למען ימלא הכתוב אוכל לחמי הגדיל עלי עקב: